Та бүхний энэ өдрийн амгаланг эрье

Танай сониноор дамжуулан 3 сарын 18, 19-ны өдрийн дугааруудад Айвенхоу Майнз Монголия Инк компани болон Канадын Айвенхоу Майнз компанийн хөрөнгө оруулалттай байсан Мьянмар дахь MICCL Монива Зэсийн төслийн талаар худал ташаа мэдээлэл цацагдсаныг та бүхэнд энэ захиагаар мэдэгдэж байна.

Танай сонинд гарсан нийтлэлүүд нь мэдээллийг үнэн зөв, бодитойгоор хүргэх ёстой мэргэжлийн сэтгүүлч – хуульч- нарын баримталдаг эрхэм үүргээс гажуудсан жишээ болжээ.

Эдгээр нийтлэлүүд нь мэдээллийг нягтлан шалгаагүйгээс хэрхэн уншигч олныг төөрөгдүүлж, мэдээллийг гуйвуулж болдогийн тод илрэл юм.

3 сарын 18-ны өдрийн Зууны Шуудан сонинд Л.Оюунгэрэл гэгч сэтгүүлч “олон улсын хүний эрхийн байгууллагаас” авсан гэх мэт хуурмаг мэдээлэл дээр үндэслэн нийтлэл бичжээ.

Тус сонинд дараа нь 3 сарын 19-ны өдөр хуульч Ц.Монгол гэгч хүний ярилцлага нийтлэгдсэн байна. Уг хуульч нь Айвенхоу Майнз компани болон Монгол улсад үйл ажиллагаа явуулдаг бусад олон улсын байгууллагуудын нэр хүндэд санаатайгаар халдсан худал мэдэгдлүүдийг хийжээ.  

Уншигч олон зөвхөн үнэн бодит мэдээллийг хүсэж байдаг бөгөөд хэн нэгэн хуульч, сэтгүүлч холбогдогч нөгөө тал, энэ тохиолдолд Айвенхоу Майнз компанийн талыг сонсолгүйгээр худал мэдээлэл түгээж төөрөгдүүлэх нь олон нийтийн эрх ашигт нийцэхгүй гэж үзэж байна. Айвенхоу Майнз компани хүний эрхийн асуудалд хариулт өгөлгүй хөсөрдүүлсэн гэдэг нь шударга үнэнд нийцэхгүй байгаа билээ.

Айвенхоу Майнз Монгол компани нь өөрсдийн ажилчдаа, тэдний эрх ашгийг ямагт дээдэлж ирсэн бөгөөд ялгаварлан гадуурхдаггүй хөдөлмөрийн орчинг бүрдүүлэх зарчим, бодлого, арга туршлагыг нэвтрүүлж ирсэн.

Зууны Шууданд гарсан нийтлэлүүд нь Монгол улсад баримталж буй хүний эрхийн бодлого, Монива зэсийн төслийн талаар  Айвенхоу Майнзаас олон нийтэд өгсөн хариулт, мэдэгдэлийг санаатайгаар үл хайхарсан байна гэж үзэж байна. (Эдгээр мэдээллүүд Оюу Толгой төслийн болон Айвенхоу Майнз компанийн OT.MN ба IVANHOEMINES.COM цахим хуудсуудад тавигдсан )

Айвенхоу Майнз компани нь Монива зэсийн төслийн өдөр тутмын үйл ажиллагаанд оролцдоггүй байсан бөгөөд тус уурхайн хувь эзэмшигч байхаа болиод жил гаран болж байгааг уншигч олон мэдэх эрхтэй юм. Айвенхоу Майнз компани 3 сарын 19-ны өдөр гарсан нийтлэлд бичсэн шиг Канадын Тэтгэврийн Санг худалдаж авсан гэдэг нь утгагүй зүйл юм. Үнэн хэрэг дээрээ Канадын Тэтгэврийн Сан канадын татвар төлөгчдийн мөнгийг найдвартай, хариуцлагатай хөрөнгө оруулалт болж чадах итгэлтэй компанид Айвенхоу Майнз компанийг тооцон түүний хувьцааг эзэмшиж байдаг.

Айвенхоу Майнз компанийн Нийгмийн Хариуцлагын бодлогоор НҮБ-ын Хүний Эрхийг Хамгаалах Тунхаглалыг дэмждэг бөгөөд тус бичгийн зарчимыг өөрсдийн бүх ажилчид түүний дотор Монголын ажилчидад хамруулахыг шаарддаг юм.

Айвенхоу Монголын бүх хууль тогтоомжийг мөрдөж, олон улсын стандартыг өөрийн үйл ажиллагаандаа баримталж ирсэн бөгөөд бие даасан “Ил Тод Байдал Сан” төрийн бус байгууллагаас Монголын уул уурхайн салбарт үйл ажиллагаа явуулж буй компаниудаас хамгийн нээлттэй ил тод байгууллагаар гурван удаа шалгарсан юм. Айвенхоу Майнз Монгол компанийн ажилтан нар Монголын хүний эрхийн байгууллагуудтай уулзаж ирсэн бөгөөд цаашид ч холбоотой ажиллах болно.

Айвенхоу Майнз компанийн төлөөлөгчид хэвлэл мэдээллийн байгууллагын мэдээлэл авах хүсэлтэд үргэлж нээлттэй байдаг ба мэдээ нийтлэл гарахаас өмнө мэдээллийн үнэн бодит эсэхэд туслалцаа олгоход бэлэн байна.

Оюу Толгой төслийн хэвлэлийн албатай дараахь хаягаар холбоо барьж болно:

Олон Нийтийн Мэдээлэл Харилцааны Хэлтэс

Утас: 331880 дот. 3733, 3749
И-мэйл: Энэ имэйл хаяг нь spam bot-оос хамгаалагдсан тул үзэхийн тулд Javascript-ийг зөвшөөрөх хэрэгтэй.
Цахим хуудас: www.ot.mn